【車迷觀點】情懷+藍血唔等於答案 泰利而家唔適合坐上車仔帥位
試幻想下，你開咗間餐廳，依家笠笠亂，極度需要請一個有能力、壓得住場嘅靚女侍應做生招牌救亡，一方面係想佢可以打理樓面，同時又可以吸引下新客入嚟。有班老顧客走埋嚟同你極力推介：「不如搵以前喺呢度大、成日喺度食嘢、對呢度好有感情嗰個姐姐啦！」
姐姐對餐廳嘅感情絕對係真嘅，但作為老闆，你心知肚明：佢個底太花、又從來未喺高級餐廳正式做過樓面，你真係好難說服自己佢落到場會 Work。
呢個比喻，或者好多地方唔夠準確，但係係我對近日球迷群組討論「請泰利做車仔領隊」呢件事嘅最直覺反應。
泰利愛車仔？絕對係。流住純正藍血？嗯…你唔睇佢韋斯咸時代嘅話都算係。名宿光環大到可以掩蓋史丹福橋？100% 係真。但，愛同適合從來都係兩回事。喺 2026 年車路士