【車迷觀點】步普巴後塵嘅 4 年禁賽 梅迪歷禁藥事件終於宣判
四個月前，我斷續續寫咗幾篇文講梅迪歷單案嘅來龍去脈。相信已經唔使我再重新解釋 Meldonium 係咩，亦唔需要再講一次烏克蘭國家隊同埋嗰隻牛嘅故事。巴打們都知，當時我講過嘅「最壞情況」，去到琴晚，終於變成咗一份白紙黑字嘅足總判決書。
無錯，宣判咗。四年。
英足總正式向梅迪歷開出四年禁賽判決。梅迪歷方面已即時提出上訴，案件移交體育仲裁法庭（CAS）處理。老實講，雖然我早已經預咗，但見到個判決，作為一個想佢好嘅球迷，嗯…我仍然有少少失望。
4年呢個數字嘅重量
係講其他嘢之前，我哋先計一計數。