(會員限定)【季後分析】25/26非賣品艾殊邦被收櫃桶 所謂一隊通道只通去後備席
幻想下呢個情景：你手上拎住某個配件/零件/USB線，其實自己當刻真係用唔著，但唔知點解周圍嘅人就不停話你知件嘢有幾正、幾好用，佢哋極度想買。出於果種「賣鳩咗先發現自己用得著咪仆街？」嘅心態，你決定留件嘢係自己房個櫃桶。
但日復一日，間中你的確會拎出嚟望下，把玩下，但R爆到都諗唔到件嘢到底有咩用。
嗯，大概係咁，呢個就係車路士同邦仔 (Acheampong) 之間嘅愛情故事。先講清楚，我唔係話邦仔無用，但以佢今季嘅實際表現同球會對佢嘅態度嚟講，的確係上面果種故事嘅展開。
面對歐洲各大豪門嘅虎視眈眈，車仔高層拍心口將佢視為非賣品強行留隊。但一季過去，佢嘅發展軌跡……只可以講一句：我睇唔透。
萬能插定四不像？邦仔嘅水泡人生
季初馬蛇執教嗰陣，對邦仔嘅多功能屬性可以話係讚不絕口，話佢可以喺右閘、中場同中堅之間流暢切換，簡直係戰術上嘅萬能插。聽落好似好猛，但去到羅生接手，面對住球隊戰績直插谷底嘅巨大壓力，羅生雖然口講認同佢嘅天賦，亦明確指出佢長遠應該專注踢中堅，但實情係：