【季後分析】25/26戴納廢到有病 盤扭神話換來垃圾射門轉化率
呢篇，實爆。因為香港人係鍾意睇人仆街嘅生物，講起戴納，你一定會覺得佢係垃圾佢係水貨，亦因為咁，就越多人會想睇我點寫佢25/26球季嘅廢柴表現。
的確，佢真係廢到痴線、仲要不幸到傻。或者你唔鍾意佢，但佢仲係車路士球員，我就會不離不棄，呢篇文，就一齊回顧下佢廢到有病嘅第一個球季啦。
支離破碎嘅處子球季：傷病、紅牌與消失嘅師徒情
戴納喺車路士嘅起步，個劇本本身好美好。世冠盃揭幕戰，佢初登場就用精準嘅助攻幫安素破門，又喺隨後嘅比賽中轟入藍軍生涯處子球。當佢高舉世冠盃冠軍獎盃、兼且獲得 PFA 年度最佳年輕球員提名嗰陣，邊個會諗到，跟住佢嘅發展會失速急墜？
開季僅僅去到