上一篇左翼篇講完羅渣士，今篇順手向後行一格，輪到佢身後嗰個左閘位。
如果未睇左翼篇，記得課金支持下。畢竟我寫成幾千字、跑埋數據兼畫埋圖，唔係純粹為咗訓練大家見到Paywall就撳上一頁嘅反應速度。不過當然，呢篇唔一定要睇完上篇文先會睇得明嘅。
陣容上，左翼同左閘只係前後兩個格；實際踢起上嚟，前面嗰個點郁，後面嗰個就要跟住執位。尤其羅渣士未必會長期黐住邊線，當佢向中路移動，左邊自然會留低一堆無人認領嘅工作。
偏偏車路士現有三個左閘選項都幾古怪。查華利亞係新加盟，帕拉斯查本職更加偏右，哈圖就連自己究竟算左閘定中堅都未必需要急住決定。三個人都可以企喺左邊，但「企得到」同「成條左路會點運作」，顯然係兩回事。
所以今篇唔係要問邊個最強，亦唔會純粹將三條雷達圖嘅線加埋計總分。真正要問嘅係：「羅渣士向內切之後，邊個左閘最有能力補返條邊線，又唔會放生身後空間？」
三個左閘，原來係三份工作
同之前一樣，雷達圖比較嘅唔係球員能力值，而係三個人平時將工作量放咗喺邊。以下採用25/26球季聯賽每90分鐘數據，百分位就係各自所屬聯賽同位置球員之中嘅相對排名。
不過今次要戴嘅頭盔比平時厚少少。帕拉斯查上季