【球壇風向室】To Dare is To Drop？熱刺請迪沙比係護級定攬炒
可能你未必知，熱刺嘅球會格言係 To Dare Is To Do（敢作敢為）。但睇完熱刺班高層最新嘅操作，我強烈建議佢哋將句口號暫時改做 To Dare Is To Drop（敢作敢降班）。
英超得返最後 7 場，熱刺依家排第 17 位，距離降班區僅僅得 1 分。喺呢個生死存亡嘅關頭，正常球會都會急急腳搵啲護級專家（例如戴治大Sam嗰類），諗盡辦法死守攞分保平安。但熱刺高層偏偏反其道而行，開出一份 5 年嘅英超頂薪長約，請咗個出名踢極端進攻、戰術極度複雜嘅迪沙比返嚟接手。
正，熱刺加迪沙比，聽到已經興奮。但如果你對迪沙比嘅印象仍然停留係白禮頓時期，咁呢篇文就啱晒你。今集【球壇風向室】，我就借用 The Athletic 嘅數據同其他素材，同大家睇下熱刺呢鋪俄羅斯輪盤，到底係絕地反擊嘅神機妙算，定係加速直衝英冠嘅自殺式襲擊。
戰術層面：喺火藥庫食煙，148次派膠遇上引誘式控傳
講起迪沙比，好多人即刻諗起白禮頓時期嗰種行雲流水。但 The Athletic 列出關於佢教馬賽嘅數據，絕對會令熱刺球迷一額汗。
迪沙比嘅招牌戰術，可以歸納為引誘式控傳，無錯，就係而家車仔領隊羅生果招。
佢要求中堅同龍門