睇標題或者你會唔明，不過呢篇係季前分析嘅《防中篇》。如果要排車路士新球季正選11人，有一個名大概連討論都慳返：卡些度。
上季佢踢足50場、超過4,600分鐘，除咗紅牌停賽，幾乎只要身體仲識郁就會出場。去到季前，沙比換陣、換拍檔、換埋後面擺三個定四個，卡些度仍然係中場最常見嗰塊地基，差少少過勞死。
表面上，球隊又唔係無後備。艾素高傷癒復出，季前上陣時間甚至比卡些度更多；占士上季亦多次移入中場，對皇家蘇斯達更直接同卡些度拍住上。打開陣容表一望，三個人可以踢防中，點都應該輪換到。
嗯，理論上。
問題係沙比根本無將「防中」當成一張櫈處理。無論踢四後衛定三中堅，中路大部分時間都係兩個人一齊開工；換走其中一個，隨時連身邊嗰個嘅職責都要一齊改。
所以今篇唔打算問卡些度、艾素高同占士邊個最強。呢條問題同問我、我個仔、李嘉誠邊個有錢啲差唔多，能力上無得比架啦。真正要問嘅係：
「卡些度唔踢，車路士係咪換一個人就得，定係要重砌成個中場？」
沙比揀嘅唔係防中，而係一對中場
要回答卡些度唔踢會點，第一步唔係望雷達圖，而係先睇