【季前分析】車路士右翼三人大比併 三個人定係三套右路？
呢個系列算係新嘗試，因為早排有巴打PM我敲碗，話想睇下車仔而家隊內同位置嘅球員比較。仲好貼心咁俾咗個POST我做參考。
嗯，數據比較，我鍾意。於是我好細心咁睇下巴打嗰張比較閘位嘅圖……但唔知係因為自己會寫嘢，結果係覺得周身唔聚財。引用嘅數據無問題，但係比較嘅項目同實際嘅方向同自己想像有少少唔同，答唔到自己問題咁。
所以，燈凳～～就有咗第一篇。我仲要特登寫咗個python小程式嚟出個靚靚雷達圖。呢篇嘅主角，當然係搵啲我最熟又易寫架啦，無錯，二安同昆達，加埋尼圖。
問題好簡單，「邊個先係車路士最強右翼？」
最強右翼，首先要點計？
如果照打機思維，最方便當然係將所有數值加埋，邊個總分最高就封佢做正選。但雷達圖唔係能力值，包圍面積大亦唔代表球員一定更勁；佢真正有用嘅地方，係