【季前分析】車仔3000個中鋒大盤點 祖奧柏度以外嘅Plan B點揀？
上兩篇右翼同右閘比較，反應比預期中更好。既然大家肯睇，我當然唔會客氣，繼續添食，添到大家見到雷達圖已經想撳Unfollow先考慮收手。
第三篇輪到中鋒。本來人選應該無乜懸念，祖奧柏度、戴納同艾美夏排排坐，三個人啱啱好。點知開季前夕，車仔買入韋碧克，戴納又疑似得罪沙比被踢出一隊。篇文都未開始寫，人選已經變嚟變去。
嗯，太多人揀反而麻煩。於是望一望現有餐牌，直接將祖奧柏度、韋碧克同艾美夏擺埋一齊。
中鋒嘅工作表面上最簡單，總之入波就得。但車路士身邊已經有彭馬同一大堆翼鋒等住要球權，單純自己入得多，又係咪等於最適合成隊波？
所以今篇要問嘅好簡單：
「車路士最需要嘅，究竟係一個自己入波嘅中鋒，定係一個令身邊所有人入波嘅中鋒？」
三個都識入波，分別係入波之前做過啲乜
開始講數據之前，忍唔住望一望FP隔離小編（Link唔貼啦）。佢話車仔一線隊有8名中鋒，標題直頭係「8名中鋒爭1個位」。8個（笑）。
如果計埋U18同U12，我諗寫夠20個都得。將等住賣、準備外借、連一隊位置都未穩嘅球員全部倒落同一個盤，再認真問沙比究竟點揀，自己講出嚟唔笑嗰下真係好嘢。人頭多唔代表競爭真係多，以開季前嘅情況計，值得擺埋一齊討論嘅