【入伙大吉】多謝咁多位巴打支持！場刊抽獎名單出爐 🎉
老老實實，我知大家平日多少會嫌我Email炸你哋煩，但咁樣都仲有咁多巴打訂閱我Substack，除咗多謝各位巴打賞面，我諗唔到仲有咩好講。
廢話少講，無錯啦！喺呢個時候我哋同大家揭曉返「入伙送場刊」抽獎遊戲嘅結果先。
雖然今次無六福珠寶金行送出嘅進寶足金鳩猴……… 但有由倫敦原裝人肉帶返嚟嘅紐卡素場刊！
咁螢光幕呢五位朋友：唔知你哋係咪叫郭兆強、羅鳳群，與及黃偉誠……但都恭喜晒你哋！因為無要求大家喺 FB 留言，所以我無你哋稱呼，為保障私隱我將 Email 打格仔，大家自己對號入座：
收費巴打 (3名)：
wc****15@gmail.com
ch*******le@gmail.com
ts************25@hotmail.com
免費巴打 (2名)：
ke************on@hotmail.com
ik***02@gmail.com
係呢五位嘅觀眾呢……我哋會有專人 (即係我) Email 通知你哋領獎㗎啦！請喺 5 日之內覆返郵寄地址俾我，如果過咗 5 日都仲係斷聯，咁我就當你哋輸波潛水潛咗落東京灣，會將個位推返出嚟再抽過。
抽唔中嘅巴打唔使灰心，今次只係新居入伙嘅見面禮，陸續有嚟。鍾意我寫嘅文章記得去訂閱返我Substack先。傳送門喺留言區。
最後，留位寫下自己嘢。
有留意嘅巴打見我有幾日無出文。其實唔係無寫嘢，但感覺點寫都唔啱Feel。草稿區俾我一堆未完成嘅文塞滿咗。
講加拿祖？感覺好似只係抽水，暫時寫落仲覺得唔似自己風格。
又笑四眼羅生戰術差？我自己都諗唔到仲有咩可以補充。
轉會傳聞有，但係全部留流於吹水層級。
與其出d唔好睇嘅文，不如收下聲等子彈飛下算。放心，我唔會消失，亦至少應承大家我有咩冬瓜豆腐頭暈身興都會同大家交待聲…(真係搵我唔到，Maybe去高登刮下我)
如果你哋有咩嘢想我搵同寫，都可以pm我唔使客氣。(唔一定會寫就係)
By P.Cech @ 車迷狗up天地