【車迷觀點】房車與泥頭車嘅前鋒論 積臣戴納兩極全解構
上星期車仔對般尼一役，雖然 3 分已袋，但賽後討論區嘅火藥味仲濃過球場。焦點全落喺剛傷愈復出嘅戴納身上。
有網友狠批佢「控球甩腳」、「傳中俾龍門」，質疑佢連基本功都欠奉；當然亦有人覺得要睇整體戰術，唔可以單睇個人失誤。(當然，週中對巴塞時戴納入波又係另一回事啦) 與此同時，外國車迷圈流傳緊一個好精警嘅比喻：積臣係房車，戴納係泥頭車/推土機。
今次【車迷觀點】，我哋就拎住份厚過電話簿嘅數據報告，深入挖下呢個前鋒之爭。到底係戴納太廢，定係我哋患上咗集體失憶症，唔記得咗積臣當年係點樣令我哋爆血管？