【車迷觀點】官宣車仔馬蛇已成過去式 帶你睇定 4 大救火真命天子
新年流流，大家原本仲捕住 Fabrizio Romano 嘅 Twitter 睇下有冇 “Here we go”，點知球會官方直接嚟個痛快：Enzo Maresca has parted company.
唔洗再估，亦唔洗再戴頭盔。馬蛇同清湖資本嘅婚姻正式畫上句號。雖然官方話多謝佢帶領球隊贏過歐協聯同世冠盃，但係無諗過佢1月1日就會官宣，迫到我篇文要提早少少放出嚟………無錯，我本身諗住可以領先大家四個平行宇宙，寫定有咩候選人。
舊嘅文章我哋已經詳細講過大熱門路斯尼亞(史堡現任領隊，連結) 同埋好有車仔情意結嘅法比加斯 (科木現任領隊，連結)，仲有車仔傳奇嘅林伯 (高雲地利領隊，連結)今次就唔再重複講呢三位喇。今集我用數據同戰術角度，睇下另外 4 位風格迥異、而且同車路士現有陣容（特別係嗰班南美神童）有千絲萬縷關係嘅候選人。