【借車月報】8月車仔外借小將大總結 德法葡聯賽齊齊拍住上
進入9月，代表啲咩？代表咗我哋外借去其他隊嘅小朋友多多少少融入新隊伍。之前有應承過車迷寫返外借兵嘅報告，唔少外借小將並唔係去到新球隊坐冷板，而係即插即用，甚至迅速孭起大旗，成為球隊嘅正選主力或者關鍵後備。
當然，有驚喜亦都有驚嚇，喺佢哋交出亮眼數據嘅同時，亦都暴露唔少年輕球員需要交嘅「學費」。
今次我哋就集中睇下幾位重點外借球員喺8月份嘅高低起伏。
馬馬達 沙亞 (Mamadou Sarr) @ 史特拉斯堡 (RC Strasbourg)
95.8%傳球成功率嘅背後：安全至上定係唔夠膽？
