(會員限定)【外借月報】有人著火有人愁 9月外借小將全面睇 (上篇)
踏入九月，新球季嘅蜜月期正式結束。經過八月嘅初步適應，我哋班外借小將喺呢個月開始展現出更真實嘅面貌，亦都開始行出唔同嘅軌跡，正正係「有人著火有人愁」。
有人好似昆達（Quenda）咁迎嚟大爆發，喺歐聯賽場一戰成名，由奇兵進化成主力；有人好似沙亞（Sarr）咁戴上隊長臂章，確立領袖地位。但亦都有人要面對殘酷嘅現實：安瑟明路（Anselmino）不幸因傷成個月坐壁上觀，而安莫高（Amougou）嘅法甲正選初體驗，就經歷咗一次半場被換走嘅震撼教育。
今個月嘅報告，我哋會睇得更深入，唔單止睇表面嘅入球助攻，仲會拆解數據背後嘅故事，睇下邊個真係穩步上揚，邊個又遇到樽頸。廢話唔多講，即刻去睇下我哋班「車仔兵」九月份嘅成績表！
馬馬達 沙亞 (Mamadou Sarr) @ 史特拉斯堡 (RC Strasbourg)
又再做隊長！沙亞確立領袖地位，但數據揭示隊長都有功課要做