cfc9up.com 入伙小禮物抽獎
各位巴打，歡迎嚟到我嘅新主場：cfc9up.com。
如果你睇到呢篇文，證明你已經成功避開咗 Facebook 朱克伯格痴線嘅演算法，同埋 Fanpiece 果啲阻頭阻勢嘅全頁式彈出廣告。以後cfc9up.com呢度就係我專屬嘅地盤，清清爽爽，得純粹嘅戰術討論、青訓報告，同埋最真實嘅車迷。
為咗慶祝我新居入伙，同埋多謝大家由 2024 年開 Page 以嚟、足足 600 篇文嘅陪伴，今次準備咗少少心意回饋俾大家。(廢話係Facebook講晒，呢度就唔重覆啦。)
🎁 入伙禮物：車路士 VS 紐卡素 官方場刊 (共 5 份)
首先要鳴謝 @良心裝修佬，早排佢親自飛咗去倫敦史丹福橋朝聖，特登留起咗呢份手信交俾我，等我可以派俾大家。
我知我知，嗰場波我哋輸咗，痛就一定痛。但老老實實，真正嘅車迷唔係淨係識得儲捧盃大合照嘅。輸波嘅經歷、殘酷嘅現實，呢啲全部都係歷史嘅一部份。呢本由倫敦原裝帶返嚟嘅場刊，絕對係一個有血有肉嘅車迷印記。(至少我會想要先。)
📝 抽獎玩法 (極度簡單)：
為咗回饋唔同程度支持嘅巴打，我會將 5 本場刊拆成兩個 Pool 抽：
【付費會員專屬】：抽出 3 本。 (多謝你哋真金白銀請我飲咖啡 ☕)
【免費訂閱巴打】：抽出 2 本。
📝 參加辦法 (極簡化)：
唔使留言！唔使留言！唔使留言！ (重要嘢講三次，費事大家麻煩，我又難管理)。
只要你喺 4 月 13 日 (星期一) 晚上 23:59 之前，係本站嘅「有效訂閱者」（不論付費定免費），你就會自動進入免費池嘅抽獎名單。而付費巴打們就會喺收費池抽果 3 本。第日抽波衫都應該會用相同做法，先益咗課金爸爸再益免費巴打。
如果你有餘力又覺得一個月只係幾十蚊俾得起，請多多支持小弟~
之前已經訂閱咗嘅巴打，你哋已經喺名單入面，咩都唔使做，等運到就得。
📅 活動時間線：
截止日期：2026 年 4 月 13 日 (下週一) 23:59。
公佈日期：截止後兩日內，我會喺本站出文公佈幸運兒（只會顯示 Email 嘅頭段，保護私隱）。
📧 領獎流程 (重要)：
Email 聯絡：系統 (我) 會親自Send Email 給中獎嘅巴打。
回覆地址：中獎巴打請喺收到 Email 後的 48 小時內，回覆寄送地址及聯絡電話。
過時不候：如果 48 小時內聯絡唔到（無回覆），名額會自動由其他巴打補上，唔好怪我心狠手辣，因為我唔想本場刊放喺度封塵嘛。
🔮 未來福利預告 (畫個大餅先)
今次送場刊只係一個開始。既然我都身在日本，未來日子我打算：
不定期將我喺日本夾公仔機夾到嘅無厘頭景品（可能同車仔無關，但保證高質 😂）隨機送俾大家。
終極目標： 每年搞一次「官方波衫直送屋企」大抽獎，專屬回饋俾課金訂閱嘅死忠會員！
我自己其實仲會想試下同官方合作搞D青訓/球員訪問，但十劃都未有一撇，如果真係有咩著數都會第一時間同巴打們講聲。
再次多謝大家兩年嚟嘅包容同支持。請繼續多多指教！
P.Cech @車迷狗up天地 上