早排喺留言區，因為有巴打重覆留言話：「沙比係利物浦體系」，嗯，先唔講佢跳線嘅問題，但………其實咩係利物浦體系？
高普年代嘅高位迫搶、快速轉換？賓尼迪斯年代嘅嚴密部署？係更古老嘅Boot Room傳統？定係只要曾經著過利物浦件波衫，個人就會好似入咗會咁，終身流住紅軍體系嘅血？
如果係最後嗰種，現代足球就幾乎同武林大會無分別。有人出身少林，有人拜入武當、峨眉；踢過巴塞就屬於巴塞派，跟過哥帥就係哥帥門下。沙比仲麻煩，踢過利物浦、皇馬同拜仁，教過利華古遜，隨時一個人集齊四派武功，差在未打通任督二脈。(笑)
但笑完之後，「體系」又的確係足球世界最常見嘅字之一。哥迪奧拿有哥帥體系、利物浦有利物浦體系，車路士以前就話防反入血；到換咗教練，又話要重新注入另一套體系。聽落個個都知講緊乜，認真問落去，答案又好似人人唔同。
車仔過去廿年教練換完一個又一個，摩佬、安察洛堤、干地、沙利、杜曹，波特，羅生，呢堆名帥 (笑) 踢法南轅北轍，咁我哋到底係無門無派，定其實早已有某種體系入咗DNA？
講明，我唔係足球學院出身，呢篇文有9成都係我自High嘅睇法，有錯，去我Facebook屌我。
體系有，但唔係一個武林門派
首先答最基本嗰條，我認為體系係存在嘅。(屌，好似問我信唔信外星人存在咁……)
我思前想後，得出嘅結論大約係咁：一隊波面對比賽入面