(會員限定)【名將剖析】夏神前車仔嘅魔法師 蘇拿：由拿坡里流放到倫敦教父

---

對於油王時代先入坑嘅車迷（好似我咁），蘇拿 (Gianfranco Zola) 可能只係一個傳說中嘅名，基本上我哋對佢嘅印象就留於類似馬勒當拿果種，「好似好勁，睇片都唔確定佢係咩料…」，無乜實感。甚至如果你係近十年先上車嘅車迷，可能你只會記得佢係煙鏟沙利 (Sarri) 年代嗰個成日喺後備席笑笑口嘅助教。

睇標題，你可能會問：「佢真係咁勁？勁得過全盛期嘅夏薩特？」

老鬼們俾你嘅答案係：佢唔止係勁，佢係革命。夏薩特令車路士贏波，但蘇拿令車路士蛻變。佢將一支踢開高Q大棍嘅英式球隊，變成咗今日呢間追求技術同藝術嘅豪門。

今日【名將剖析】，我哋搭時光機返去 1996 年，睇下呢位身高只有 1.68米嘅矮仔 (矮我差唔多50cm)，點樣單人匹馬玩轉成個英超巨人國。