【車迷觀點】係神蹟定係車仔隊醫誤判 4級撕裂嘅二安恢復良好
「感謝主……令二安嘅傷患有極大進展。」先講明，我唔係基督徒，亦唔係抽緊教徒水。上個月，我寫過一篇文，好嚴肅咁同大家科普咗二安嘅傷勢，當時球會醫生講明，二安嘅傷係4級撕裂，球會高層夾硬要推佢入手術室，二安同巴西足總想做保守治療。最後，二安拒絕開刀，選擇返去聖保羅養傷兼散心，當時我話：保守治療同玩俄羅斯輪盤無分別。
點知……或者我估漏咗一個變數。件事，難奇到令我有少少懷疑自己嘅科學信仰。
磁力共振結果嚇咗大家一跳
事源係咁。
二安前幾日喺家鄉，巴西法蘭卡一間佢去開嘅教會做崇拜，佢係過程中