【車迷觀點】由死球弱手變近柱FC 拆解死球教練 Cueva 嘅進化論

---

喺上季季尾，我哋寫過一篇【季後分析】，深入拆解過我哋死球部門喺 24/25 球季「雷聲大雨點小」嘅問題，結論係戰術理念同球員執行力出現嚴重脫節。（有興趣睇返嘅朋友，可以Click呢度：連結）

嚟到新球季，我知道，聯賽只係踢咗三場波，而家就拎數據出嚟講死球，肯定會有球迷朋友話我：「又想燈？不如話我哋全季不敗啦！」

你講得冇錯，三場波嘅 sample size 的確唔足以做任何定論。但今次之所以值得我哋咁快拎出嚟傾，唔係因為我哋要吹捧個「結果」，而係因為我哋喺「過程」上，見到一個極度明顯、同上季 180 度唔同嘅戰術趨勢。加上開季已經靠死球攻入 4 球，呢個趨勢，絕對值得我哋做一次詳細嘅戰術覆盤。

究竟死球教練 Cueva 喺呢個夏天施展咗咩「黑魔法」？今次我哋就嚟深入拆解，睇下呢位教練，點樣喺上季嘅失敗中學習，進化出一套全新嘅戰術。