(會員限定) 【U21追蹤檔案：九月篇】天才鋒線的孤掌難鳴 防線受壓下的三次崩潰
九月最後一場對史篤城，當Murray-Campbell喺後場被壓迫下，嗰個猶豫嘅回傳波被對手截斷直接破門，看台上傳嚟嘅集體嘆息聲，大概就係呢個九月最準確嘅演譯。U21本土賽事三戰全敗嘅結果，刺眼得令人難以忽視。
但如果我哋單純因為賽果就大潑冷水，話班U21垃圾同廢，咁就睇得太表面。實際上，呢個月更似一堂殘酷而寶貴嘅必修課，主題就係：「當防線受到直接壓力時，我哋有幾脆弱？」
成個故仔嘅主旋律，就係前場入幾多，性感防線就同你失返幾多，最終導致鋒線孤掌難鳴。(由U21傳來一陣熟識嘅味道…果然有藍血基因) 要全面理解九月嘅情況，我哋必須要將U19同U21嘅戰績分開睇，因為核心球員喺兩個唔同戰場嘅經歷，簡直係天淵之別。
九月數字速覽：
總比賽場次： 5場 (U19兩場，U21三場)
總戰績： 2勝3負
總入球 / 總失球： 9球 / 9球
最佳射手： Shumaira Mheuka (5球)