(會員限定)【U21追蹤檔案：十月篇】歐洲屠殺本土死守 青年軍大開大合一個月
十月對我哋班U21嚟講，算係有個最差嘅開局。
先係月中對薩格勒布戴拿模，我哋本來踢得唔錯，仲由Ampah 73分鐘入波領先。點知去到85分鐘，對手一腳遠射，Merrick判斷失誤，牛油手漏入，就咁被追平。上個月嗰種防線崩潰嘅劇本繼續延續，最尾仲要喺補時俾人反絕殺。
但今個月同九月唔同。呢次慘痛嘅教訓，似乎反而激發咗球隊嘅鬥志。由呢場敗仗開始，我哋反而睇到一支學識「頂硬上」、更有韌性嘅U21。無論係對般尼嘅主動出擊同絕殺、對阿仙奴被圍攻下嘅死守、定係對華素爾成年隊嘅零封，都證明球隊學識咗點樣「捱」到戰果。
十月，就係一個U19喺歐洲賽場盡情展現天賦，而U21喺本土賽場學習韌性同死守嘅月份。