(會員限定)【U21追蹤檔案：12月篇】縮水嘅U21賽程表 2025年年終結算時間
1月最後一日，總算俾我趕得出篇文，遲到咗，真心抱歉抱歉！
--------------------------------------------------
踏入 12 月，葛咸訓練場凍到抽筋，連帶 U21 嘅賽程都縮晒水。
好多車迷問，點解呢個月好似無乜U21比賽睇？老老實實，唔係班細路射波，而係英超賽會班大佬要搞冬歇，加上 12 月係足總青年盃（FA Youth Cup）嘅大日子，U18 嗰邊忙到雞咁腳，聯賽自然要讓路。所以 12 月 U21 聯賽基本上係處於半收爐狀態，大家一係準備放假度歲，一係就去一隊幫手頂住個聖誕快車期。
不過，作為一個唔專業嘅寫手，我點會俾篇文咁乾爭爭？
如果淨係寫嗰場對 PSG 嘅 U21 國際盃，我驚大家以為我呃稿費。所以今個月我決定加料，一次過執埋 U19 歐青聯對阿特蘭大，同埋 U18 聯賽對葉士域治嘅數據入嚟。雖然 1 月一隊嗰邊領隊出走搞到天崩地裂，但 12 月嘅葛咸仔依然活喺佢哋嘅平行世界入面。
呢個月唔係咩接班宣言，而係一場年終驗收。我哋會睇到有人由防中盾牌變身進攻發電機，亦有人喺歐洲賽場大殺四方。廢話少講，即刻睇吓呢份 2025 年嘅年終結算。
十二月數字速覽：
14.2 分鐘：