(會員限定)【U21追蹤檔案：3月篇】幻覺嚟？四戰全勝僅失 1 球 U21 3月迎來超進化
完咗3月，反正啱啱寫緊2月嘅報告，頭先先講完話U21個死因同一隊一樣樣，但望下戰績……4戰全勝只失1球………？ (捽下眼) 4戰全勝只失1球………………？
嚇我唔到嘅，一定係對住全部魚腩部隊係咪………曼聯U21？？？
無錯，喺無任何一隊球員空降幫手嘅情況下，呢班 100% 純藍血統嘅細路，反而迎嚟咗最瘋狂嘅直路狂衝。之前 1、2 月我哋先啱啱鬧完佢哋「領先自爆」、「Game Management 係死穴」，點知今個月佢哋好似突然領域展開咁，防線硬淨到痴線，逆境又識反撲。無大佬帶住，反而逼出咗最成熟嘅心理質素。
廢話少講，即刻同大家睇吓呢個吐氣揚眉、完全靠自己爭返嚟嘅完美三月！
數字速覽
14 vs 1： 4 場聯賽合共狂轟 14 球，防線竟然只係失咗 1 球（對伯明翰），仲要拿下 3 場 Clean Sheet。上個月先話防線好似紙紮，今個月突然進化成銅牆鐵壁。進攻端多點開花由 7 個唔同球員包辦；防守端龍門Max Merrick 屢救單刀同罰球死角，攻守轉換效率達到咗前所未有嘅高度。