【沙比特輯 EP.1】任教皇馬 7 個月真相 戰術自爆定係政治失敗？
前日先 Here We Go，琴日官方就出埋聲明。沙比阿朗素正式簽約 4 年，成為 2026 年車路士嘅新主帥。
有睇足篇公關稿嘅巴打，眼利嘅一定留意到一個極度重要嘅細節：今次官方用嘅字眼係「Manager」，而唔係之前肥普、馬蛇同羅生嘅「Head Coach」。
即係話咩？即係話 BlueCo 班美國佬連續玩死幾件教練、搞到球隊依家排第 9 連歐協聯都冇得打之後，今次終於肯喺權力架構上跪低。
但係，經歷過咁多次畫大餅變食白果，車迷心入面實有條刺。
沙比帶利華古遜不敗奪冠的確係好J，但佢啱啱教皇馬，坐咗 7 個月就俾人踢走。帶住隊億萬大軍，世冠盃 0：4 俾 PSG 大炒，打吡戰 2：5 俾馬體會大炒。好多人問：佢套 3-2-5 係咪已經俾人睇穿晒？佢係咪根本無料到？
你想唔想知我唔知，但我想知。
數據大平反：戰術無死，死喺把握力同紀律
戴定頭盔先，呢篇唔係講戰術嘢，只係講佢皇馬時期嘅嘢，我自問對皇馬都唔熟，如果班門弄斧就抱歉了。
好多人淨係睇結果做人，但今次不妨先由最基本嘅數據去睇：