【球探報告】車仔候任領隊 EP3 防水膠布式教頭馬高施華

May 07, 2026

∙ Paid

嚟到候任領隊系列嘅第 3 集，我哋睇過極致癲狗嘅伊拉奧拿，又拆解過理想主義嘅沙比阿朗素，未睇嘅巴打可以去返呢度睇返先。

如果話伊拉奧拿係系統完全唔夾、沙比又有環境能唔能夠複製奇蹟嘅疑問，咁今集嘅主角，一定可以滿足大家賭海中求穩嘅心態：現任富咸領隊馬高施華。

經歷過波特嘅迷失、普捷天奴嘅過渡、馬蛇嘅權鬥，以至啱啱先又賠幾千萬送走嘅羅生……喺車路士依家立立亂、荷包又乾硬化嘅環境下，BlueCo 同一眾車迷可能好渴望穩陣呢兩粒字。

今篇文唔係嚟踩馬高施華，但佢嘅缺點同佢嘅優點一樣，極之明顯。佢套「極致實用主義」，到底係救命解藥，定係一粒定時定候會毒死你嘅毒藥？

極速起底：打破高開低走嘅都市傳說

一提起馬高施華，好多有睇開英超嘅球迷第一時間就會彈出四個字：高開低走。無錯，富咸以外嘅球迷大概會覺得佢